Auður Valgerðar ehf. var stofnað á vormánuðum 2008 á grunni Vanadísar, sem hafði verið starfandi frá 2006 sem firma. Ekki fékkst leyfi fyrir notkun á Vanadísarnafninu sem ehf. sem voru mikil vonbrigði ekki síst þar sem heimasíðan www.vanadis.is var komin í notkun og orðin vel þekkt.
Valgerður brá því á það ráð að gefa meginverkefni Auðar/Auðs Valgerðar ehf. nafnið Vanadís - rætur okkar, draumar og auður. Í nafninu felst megininntakið í starfsemi þeirri sem Auður Valgerðar stendur fyrir, ráðgjöf, námskeiðum, verkefnisstjórn, hugmyndafræðivinnu og ritstörfum, sem byggja á rótum okkar, draumum og auði... og miða að því að miðla til heimsins mikilvægi rótanna, draumanna og þess auðs sem ekki gengisfellur eða hrynur í kreppum.
Auðkenni og útlit
Valgerður er svo auðug að eiga greiðan aðgang að hönnuðinum Sunnu Valgerðardóttur, sem hefur hannað auðkenni fyrir bæði fyrirtækið og verkefnið Vanadísi. Hún hannar einnig auglýsingar og annað útlit fyrir þá starfsemi sem Auður Valgerðar stendur fyrir. Ný heimasíða mun einnig sjá dagsins ljós innan skamms.
Auðkenni hinnar "gömlu" Vanadísar og borðinn sem er hér efst á síðunni eru hins vegar hönnuð af Bryndísi Óskarsdóttur og kann ég henni bestu þakkir fyrir.
