Valgerður H. Bjarnadóttir

Mardöll - félag um menningararf kvenna hefur hlotið styrk úr Norræna menningarsjóðnum til að halda fjölþjóðlega ráðstefnu á Sumarsólstöðum 2011, í menningarhúsinu Hofi á Akureyri. Ráðstefnan er hápunktur viðburðaraðarinnar Vitið þér enn - eða hvað? sem er framlag Mardallar til að koma á sterkari tengingu við kvenviskuna sem býr í rótum okkar.

Viðburðaröðin sem hófst vorið 2009 heldur áfram í sumar og haust, með ótal spennandi viðburðum, námskeiðum, uppákomum, sýningum og þingum. Vanadís hefur verið virkur þátttakandi í þessu verkefni frá upphafi og Valgerður mun stýra undirbúningi ráðstefnunnar, sem einnig verður spennandi listviðburður. Hún verður undirbúin í samvinnu við ýmsa aðila hérlendis og erlendis. Nú þegar er komið á samstarf við AkureyrarAkademíuna, Jafnréttisstofu, Handraðann, Norrænu upplýsingaskrifstofuna og Listasumar og nokkrar fræðikonur, listakonur og menningarfrömuði á Norðurlöndum, en áætlað er að efna til enn víðara samstarfs á næstu vikum og mánuðum.

Fylgist með framvindunni á www.mardoll.blog.is og hér á síðunni