Valgerður H. Bjarnadóttir

Vanadís, í samstarfi við Atvinnumál kvenna og Frístundasvið Skagafjarðar, mun bjóða upp á örnámskeið um lífsvefinn, drauma og goðsagnir í Húsi frítímans á Sauðárkróki í Sæluviku.

Námskeiðið verður 29.apríl kl. 20 - 22.

Líf okkar er ævintýraferð, þar sem við spinnum örlagaþræðina og vefum lífsvefinn, sjálfsmynd okkar, samskipti og stöðu, í tengslum við umhverfið, í samspili sögu og framtíðardrauma. Þrátt fyrir allar þær ytri breytingar sem hafa orðið á lífi okkar og umhverfi í gegnum aldirnar hefur manneskjan í grunninn ætíð verið sú sama og tilfinningar okkar, tengsl og draumar náskyld þeim sem formæður okkar og -feður áttu sér fyrir þúsundum ára.

Í þessari spunaferð mun Valgerður ferðast um heima menningarsögu, drauma og goðsagna og slást í för með Völvunni og elsta þekkta skáldi heims, hofgyðjunni Enhedúönnu. Hún mun líta við hjá gyðjunum Inönnu, Maríu og Freyju, álfkonum og tröllkonum.

Við munum rýna í drauma næturinnar og fá örlitla innsýn í það hvernig við getum nýtt þennan auð sem býr í rótunum til að styrkja lífsvefinn, efla sjálfsmynd okkar og bæta tengsl og samskipti.

Örnámskeiðið er öllum opið

Þátttökugjald kr.1000.-